کولێرا چییە ؟
کولێرا نەخوشیەکا توند و زک چوونێ یە کۆ ژ ئەگەرێ هەوکرنا ریڤیکان ب بەکتریایێن ژەهراوی دروست دبیت .
کولێرا ل کیڤە دهێتە دیتن ؟
بەکتریایا کولێرا ب زوری دناڤ ئاڤێ دا یانژی دناڤ ئەوان خوارنان دا دهێتە دیتن یا کۆ ب پیسایا کەسەکێ توشبووى ب کولیرایێ پیس بووی، کولێرایێ زورترین ئەگەرێ رویدانێ یێ هەی و ل ئەوان جهان بەلاڤ دبيت یێن کۆ چارەسەری و پاقژییا ئاڤا وان ل ئاستێ پێتڤی نەبیت،
مروڤ چەوا توشی کولێرایێ دبیت ؟
مروڤ ب ڤەخوارنا ئەوێ ئاڤێ یان ژی ب خوارنا ئەوان خوارنان یێن کۆ ب بەکتریا کولێرا پیس بووین توشی کولێرایێ دبیت، د ئەڤێ نەخوشیێ دا ب زوری سەرچاوێ ئەڤێ نەخوشیێ پیس بوونا ئاڤێ یە ب پیسایا کەسەکی توشبووى . ئەڤ نەخوشییە دشێت ب سانەهی دناڤ ئەوان دەڤەراندا بەلاڤ ببیت یێن کۆ ئاڤ و ئاڤرێژێن وان ب شێوەیەکی باش و گونجاى نەهاتینە چارەسەکرن و پاقژ کرن، ئەگەرێ بەلاڤ بوونا وێ ئەو نینە کۆ راستەوخو ژ کەسەکی بهێتە ڤەگوهاستن بو کەسەکێ دی، ژ بەر هندێ بەرکەفتنا ئاسایی دگەل کەسێ تووشبوو ئەگەرەکێ ب مەترسی نینە ب توشبوونێ ب ئەڤێ نەخوشیێ.
نیشانێن نەخوشییا کولێرایێ چنە ؟
گەلەک جاران هەودانا کولێرایێ یا سڤکە یان ژی بێ نیشانە، بەلێ پا دبیت یا توند ژی بیت،
نێزیکی ئێک ژ هەر ١٠ کەسێن توشی کولێرایێ دبن نیشانێن وەکی زکچوونەکا ئاڤی و هەلاڤێتن و گرژبوونا پێیان لدەف وان دیار دبن، زێدە و بلەز دەرکەفتنا شلەیان ژ لەشێ ئەڤان کەسێن توشبووی دبیتە ئەگەرێ هشک بوون و پاشی شۆکێ، و دبیت ببتە ئەگەرێ مرنێ ئەگەر ئەگەر بو ماوێ چەند دەمژمێرەکا چارەسەری نەهاتە وەرگرتن.
چەندێ پشتی توشبوونێ نیشانێن نەخوشیێ دەردکەڤن ؟
ب گشتی ٢ – ٣ روژا ڤەدکێشیت هەتا کۆ نیشانێن وێ دەربکەڤن پشتی ئەو کەسە خوارنەکا پیس بووی دخوت، بەلێ پا دبیت دەمێ وێ ژ چەند دەمژمێران بۆ ٥ روژان بهێتە گوهورین
ئەو کینە زورترین ئەگەرێ توشبوونێ ب نەخوشییا کولێرایی لدەف وان هەی ؟
ئەو کەسێن ل ئەوان جهان دژین کۆ ئاڤ و ئاڤرێژێن وان وەکی پێویست د پاقژ نینن، ئەڤان کەسان زورترین مەترسیا توشبوونێ ب کولێرایی یا هەی .
چارەسەرییا نەخوشییا کولێرا چییە ؟
ئەم دشێین نەخوشیا کولێرایێ ب شێوەیەکێ سادە و ب ساناهی چارەسەر بکەین، ب دانا ئێکسەر یا ئەوان شلە و خوینا یێن کۆ ب رێکا زکچوونێ نەخوش ژ دەست ددەت، و کێمتر ژ ئێک ژ سەدێ نەخوشێن کولێرایێ دمرن .
ئەنتیبایوتیک رێرەوا نەخوشیێ کورت دکەن و توندیا نەخوشیێ کێم دکەن بەلێ پا هندی شلەیان fluid دگرنگ نینن، ئەو کەسێم کۆ توشی زک چوونەکا توند و هەلاڤێتنء دبن ل ئەوان جهێن کۆ نەخوشییا کولێرایی تێدا هەی دڤێت ئیکسەر سەرەدانا نەخوشخانی بکن،
چەوا خو ب پارێزین؟
١- پشت راست بە ژ ڤەخوارنا خۆ و ئەو ئاڤا تو بو شیشتنا ددانێن خۆ ب کاردئینی، و سەرشیشتنێ و دروستکرنا خوارنێ .
٢- هەر چەندەکێ دەستێن خۆ بشو ب سابون و ئاڤا پاقژ.
٣- توالێتێ بکاربینە یان ژی پیساییا خۆ ب و نەکە رویبار و سەرجاوێن ئاڤێ .
٤- خوارنێ ب باسی بکەلینە .
٥- پاقژکرنا باش یا لێنانگەهێ و ئەو جهێن کۆ ئەندامێن خێزانێ خۆ لێ دشون و هەردوەسا جل و بەرگێن خۆ ژی دلێ د شون.
ب هیڤیا تەندروستییەکا باش
