لە چوارچێوەی بەرنامەکانی سەندیکا بۆ بەرەو پێشبردنی کاری راگەیاندن ئەمڕۆ ٢٢\١٠\٢٠٢٥\ لە دەستەی باڵای سەندیکا بە ئامادەبوونی نەقیبی سەندیکا (جبار محمد رحیم) و لێپرسراوی بەشی راگەیاندن (هادی فریق) و لێپسراوانی راگەیاندنی سەرجەم لقەکانی سەندیکا کۆبوونەوەی بەشی راگەیاندنی سەندکا بەڕێوە چوو، سەرەتا کۆبوونەوەکە بە ساتێک وەستان بۆ گیانی پاکی شەهیدان دەستی پێکرد، لەلایەن لێپرسراوی بەشی راگەیاندن بەرنامەی کۆبوونەوە و ئەرکەکانی قۆناغی داهاتووی راگەیاندنی بۆ ئامادەبووان روونکردەوە پاشان تەوەرەکانی کۆبوونەوە بە سیمینارێکی زانستی لەلایەن (پ.ی.د.صادق حمە غریب) دەستی پێکرد کە چەندین لایەنی مێژووی و ئەرکەکانی کاری راگەیاندن بۆ ئامادەبووان خستەڕوو دواتر بەڕێز نەقیبی سەندیکا ئەرک و رۆڵی راگەیاندنکارانی سەندیکایی تاوتوێ کرد لە کێشە و گرفتەکانی کۆڵیەوە بەڵێنی هەموو هاوکاری و پشتیوانیەکی بۆ بەشی راگەیاندن دەربڕی لە کۆتاییدا (پ.ی.د.ئەکرەم فەرەیدوون) بنەماییەکی تایبەتی لە بواری هەواڵسازی و ئەرکی پەیامنێری و ئەتەکێتی کاری رۆژنامەوانی پێشکەش کرد، ئەوەی شایەنی باسە ئەم کۆبوونەوەیە ئامادەکاری بوو لە بواری گەڵاڵە کردنی بەرنامەی وەرزی نوێ راگەیاندن بوو کە لە ئایندەیەکی نزیکدا دەچێتە بواری کارکردنەوە.